小小天出生剛好四個月了!
早產了7星期, 在早期的發展中, 的確要在年齡上相對要減去7星期, 這個有關早產兒的術語叫作: 矯正年齡 或 發展年齡
小天的矯正年齡是: 2個月1星期.
不過, 食拳頭才學會了十多天吧! 骨骼亦顯得比四個月的嬰兒軟, 頸骨未是很有力的支撐你的大頭! 消化系統可能也未太好, 現在飲5餐200ml的奶, 差不多每餐都不能完成也很易嘔奶。
暫時還未懂伸手拿玩具玩, 也沒有想嚐試轉身的舉動。最近爸爸天天跟你多做運動，要好好鍛鍊你呢！
不過，說話倒是十分多，一說就依依呀呀幾分鐘，一見人家跟你傾計就笑瞇瞇！
2 則留言:
肥嘟嘟, 好可愛呀!
[版主回覆06/18/2010 20:05:00]多謝晒~~~
小天都好可愛啊! 我最近搬咗屋, 新屋未可以上網, 依家借人哋電腦用咋! 我都係無咩時間俾細細呀, skyla返咗學, 我好多時就約人食飯, 細細好多時都係工人湊. 但又唔係好多時間俾skyla喎, 真係兩頭都唔到岸! 我湊細細都無以前湊skyla咁好心機, 真係分身不暇! 就嚟暑假, 又要幫skyla揾暑期節目, 因為佢下年要返上午班, 我想train番佢早d起身, 依家日日瞓到10點11點呀!不過話時話, 自細細出世後, 覺得skyla學習上無咩突破, 可能自己又無咩落功夫啦, 你又點呢? 大家一齊加油啦!
[版主回覆06/23/2010 03:32:00]搬了間大d嘅屋比小朋友嗎?恭喜晒~~!!
係啦, 真係冇時間比細佬, 就算家姐返了學, 我都想做少少私人嘢, 冇同細佬玩d咩, 傾下計而已... 真係有d內疚!!! 細佬多數由婆婆湊和餵奶...
家姐放學了,直情唔比我同細佬玩, 你睇我有關細佬的post/照片都唔多就知... 連vedio都冇同佢拍過...唉.. 我都係冇咁好心機嘞... 家姐方面我反而依然好比心機&時間佢, 家姐係高敏兒, 我特別關注她的感受, 加上佢轉新校, 又要好好handle佢d情緒...
佢剛放完暑假, 放假時日日同佢周圍去, 安排了非常精彩的節目比佢, 反而細佬連街都冇得跟我地去...有時怕佢辛苦, 有時自己怕辛苦! 生兩個真係對細佬太唔公平了, 其實佢係一個好開心的happy baby, 好抵錫, 但反而因為咁而少得到我的時間... 相反家姐情緒、脾氣、任性、硬頸... 扭計多, 真的夠晒terrible, 我就時時比好多心機、耐性希望幫到佢... 唔知自己係唔係算好偏心家姐呢?
發佈留言