有兩個年紀相若的孩子，父母總感覺忽略了年紀較少的一位，所有我曾經跟他們聊天、談論的父母，100％都說花在長子／女的身上的時間遠遠超過次子／女。早兩天連小天學校的老師都異口同聲表示遺憾，其實自從大約小天1－2歲開始，上街比較易應付，小bie的妒忌情況亦開始好轉之時，爸媽已經盡力要擺脫這個宿命！爸爸在工作、閒暇的時間安排亦作了很大的變動，極多應酬的爸爸將大部份推掉，騰出時間多陪小天天！
因為在家裡，始終不能“好好地“跟兩個孩子（5y4＆2y8）一起講故事，聽比較簡單的故事還可以，可是一講姐姐的書，小天就不自覺地非常干擾，最糟糕是小bie亦是一位極度容易分心的高敏孩子，所以，一起讀書暫時始終不是一個很享受的時刻！
最近，媽媽更開始了每天早上上學前在校園石椅上講故事的習慣，每天吃完午餐放學時，12：00左右雖然已經疲憊，但仍不忘珍惜親子閱讀的美好時光，如果你喜歡，有時更輕輕鬆鬆、開心愉悅地就講上了一句鐘！媽媽很享受跟小天的獨處時間。
我們甚至經常一起浸浴呢！大概小天跟媽媽的關係越來越親密了，開始越來越demanding，連睡覺時原本跟婆婆講故事和睡覺的，也開始扭計要媽媽陪一會兒，於是，晚上是媽媽最忙的時間，跟兩位小朋友學完中文、再跟小天認一點英文、跟兩位小朋友講故事、再跟姐姐讀深的故事、再和姐姐練完鋼琴、聽一下普通話cd、有空還會寫一點功課，上床一會心事時間．．．媽媽陪完小bie 3－5分鐘，再走過小天房屋又陪5分鐘，很多時已體力不支倒頭大睡了！
一向愛讀書的小天更愛閱讀了！以上蒙特梭利的Story Boom Boom系列無一孩子不喜歡！包括小天，一口氣看完所有concept story的十本依然要繼續。
可孩子，晚了，要睡覺了，其實如果你願意，媽咪那怕跟你講故事講到老呢？
3 則留言:
閱讀真的要從小培養，你現在付出的，好快會收成正果架喇！ 頂住呀媽媽~~~~
[版主回覆11/16/2012 03:54:30]一直只有享受跟孩子閱讀的時光、感覺，你用“頂住呀”來形容
難得bie媽自醒能力真強, 多抽時間陪小的。我朋友的女兒上小學後, 壓根兒忘了兒子呢!!
[Jeremy Chu Chun Yin回覆11/26/2012 09:47:16]間間直資都唔同的, 平的約千多元一個月, 最貴的5000元一個月。國際學校是私校,更貴, 因為沒有政府資助, 因為沒打算報, 價錢我不知道了。
[版主回覆11/25/2012 17:40:01]謝謝大家的解說令我對hk學校制度有一點頭緒了！離開不久就完全脫節了！（其實是未有孩子時不去留意吧！）
唔知所謂直資，學費大約是多少的？國際學校都是私校的，是嗎？
[Jeremy Chu Chun Yin回覆11/23/2012 21:05:46]多謝伙的解說令我明白更多。
不是官津不好, 但好的官津就算你有實力都未必入到, 因為要大抽獎。我地又唔係舊生之類。
我由細到大都無抽獎命, 想唔考直資都唔得。唉!!
[我們仨加一回覆11/23/2012 01:25:01]對不起，讓我加把咀。
香港的私校沒受政府資助，直資就是一筆過直接資助，但資助金額的運用由校方自行決定，兩者有點分別。官津校就是受政府監控，所有課程按教育局規定，校方自由度低，私校、直資相對自由度較高，所以成日咪聽到D人話私校的課程會教深半年至一年不等。我以前小學讀私校，英文學早年半，數學也學早一年。
嗯!我未做全職媽媽前也是教師，教過中、小學。又不是官津的學校一定唔好，是傳統教學。有好多官津校也不傳統，近年眼見也辦得不錯，不一定是谷得好犀利，有些不谷的也很好。所以我們也未必會去考直資、私校。朋友的女兒好叻，考入直資蔡繼x，本想著少功課愉快學習，殊不知，功課多得透不過氣來。所以不理是什麼類型的學校，孩子與學校的配合才最重要。
[Jeremy Chu Chun Yin回覆11/21/2012 22:05:25]國際學校也是私校的一種吧, 反正沒有政府支助的意思。
官津都有分活動教學及傳統教學的, 但教材及教法政府有指定範圍的。而直資及私校教材及教法都自主性高。
其實我不是指朋友一定要用kumon, 總之要準備, 自己既然沒時間沒學識, 點都要做d野, 因為0乘任何數都係0。有機會接觸英文未必學得識, 但唔接觸, 學會的機會是0。
而kumon靠死記我都有聽過, 但死記不一定不好, 總之咩方法都好, 有學過有記過總好過沒有。死記過的東西, 到了認知增長, 就會有另一層體會。
其實有時都好睇小朋友的慧根, 大家用同一種方法教, 人人都不同。我以前教補習社, 見經驗老師用一般死做的方式教小朋友如何計面積, 全班一齊做做做, 有一個小朋友舉手, 問:「點解長方形面積是長乘闊?」我覺得呢個小朋友真係好聰明。而成班老師都好憎呢個小朋友, 覺得佢好煩, 因為佢年年考第二, 成績咁好重日問夜問, 重要問親d老師都唔識答。慧根高的人, 點壓都壓唔住佢地的, 尤其數學。
[版主回覆11/21/2012 02:56:59]其實我真係攪唔清楚，私校＝國際學校嗎？考唔到直資及私校，大抽獎就是抽官津嗎？不是所有官津都是傳統學校嗎？
kumon唔係一d單單補下習的，係經常天天重複做相同的練習，主要靠記憶來學習，分分鍾做題非常好，有可能連基本概念都未攪清楚。而且勁超學年，很多小朋友好細個已經超越學年很多。
既然無能力唔參加香港的教育制度, 就應該向現實低頭, 早早去作好準備囉。－－＞um．．．這是可悲的～！
[Jeremy Chu Chun Yin回覆11/19/2012 21:25:33]我都贊成天爸果句, 兩樣都要!!
[Jeremy Chu Chun Yin回覆11/19/2012 21:23:59]在我的角度, kumon一d都唔push, 我朋友自己及先生係公務員, 收入唔錯, 但學歷唔高, 佢地呢d人最好找人幫小朋友補習, 因為自己的英文都係也也烏, red讀let果類。我建議佢參加kumon, 都係想佢小朋友有少少機會接觸英文, 日日有d英文功課, 咁上小學無咁辛苦囉。
同你朋友的case不同, 佢地考得國際學校, 即係本身學歷唔差的, 自己學歷唔差, 生活條件也不錯, 小朋友學歷的起點不會太低, 佢地係有資格講快樂學習什麼的, 因為隨時可以海外升讀, 由細快樂到大都得。
但我朋友的case唔同, 佢無能力玩海外升讀的, 既然無能力唔參加香港的教育制度, 就應該向現實低頭, 早早去作好準備囉。
話說當年我唔識英文在堂上哭了出來, 我阿媽呢個頭腦簡單的女人, 竟然識幫我請個補習老師, 第二個學期, 我由全班16名大躍進為第4名。所以呢, 頭腦更簡單都知點解決問題啦, 而家d人頭腦太複雜, 仔女唔掂自己唔掂又學人話補習扼殺快樂童年, 奇哉怪也!
[Jeremy Chu Chun Yin回覆11/19/2012 21:08:13]佢都無早教
[Jeremy Chu Chun Yin回覆11/19/2012 21:07:09]香港的學校分為直資, 私校及官津。如果你叻仔叻女, 入到直資或私校, 就唔使參加大抽獎, 而如果考唔到直資及私校, 就玩「大抽獎」, 跟填寫的志願去抽囉。佢都係早教, 唔識英文, interview當然唔成功了, 咁就抽獎囉。抽到間「傳統教學」的就做功課測驗默書忙死囉。
至於直資及私校亦有不同類型的, 但最勁的那幾間反而係唔push的。他們可能選擇一些自律性較強的家長, 所以跟本唔使push, 家長已經自己搞掂哂。像拔小吧! 隔離考入拔小的男孩, 他的家人說, 沒有功課啊, 功課在學校好快搞掂, 放學的時間人人都是留在學校玩課外活動的。他們的課每堂都比一段小學短10-15分鐘的, 校長說男仔專注力較差, 上半小時就算了。
所以如果晉彥入到那2間男校其中一間就好了。否則叫我玩跟功課, 佢同我死過。
[版主回覆11/17/2012 16:20:29]OH,在我的角度，kumon係非常之push！
其實我都有很多hk的朋友，他們都是不讚成谷的，ok，起初真的沒有谷任何，到臨考國際學校時一樣耍谷到盡，本非他們所願，所以一入到了，就不再谷了，我覺得我呢班朋友的孩子前途依然無限！國際學校，以致我們這裡，“讀唔成書, 可以有其他好出路!“是多間名校的教學方針！只不過我跟bie爸都是中國人，香港人，沒法子完全buy晒放鬆重啟發的教育，亦覺得尊師重道很重要，加上小bie本身超愛讀書、愛寫作、畫畫、安靜的活動，才以現在的學校為第一志願。
這陣子開始考慮小天，今天才跟爸爸傾起，我們發覺小天的運動細胞好勁，很有潛質，若他日他要在運動上發展，我問bie爸會否感覺不高興、甚至於反對個仔不把重點放在讀書、學業上，起初bie爸說兩樣都掂就最好啦，鬼唔知咩？世事冇咁理想，你要全力催谷才能出眾有更大成就，結果是我們未有共識！
至於你朋友的女兒真的很可憐，連功課都應付不了？她靠彩數入了一家學習很強的學校嗎？
[Jeremy Chu Chun Yin回覆11/17/2012 09:04:50]我說kumon的意思, 是指一d唔係太push的補習而已。anyway, 仔女係佢的, 佢想點都得啦。不過人生無咁多"好彩"的, 今日的每件小事,每個小小的努力, 就形成了孩子的將來。從之前她6年沒教過女兒什麼, 我就早知今日會追得苦。從今日追得苦, 我就知佢女兒將會越來越怕讀書..... 如此類推。她大可說, 人生無常, 可能小朋友突然想通了發力狂追呢! 不過以或然率來計算, 大概有幾個巴仙的成功率囉。咁讀唔成書, 可能會有其他更好的出路呢! sorry, 或然率都係幾個巴仙。
至於"享受天淪之樂", 是大人在享受。 小朋友在學業上不如人是超級苦, 都不是名次的問題, 是唔識, 應付不了功課之苦。她女兒最近常發惡夢, 醒了還跟媽咪說自己終於學會了串某生字了。
她的苦我曾經體會過, 我8歲才開始學英文, 初時上課一點也聽不明白, 那種心情現在還記得。我當時在課堂上哭了出來。每個孩子都有自尊心, 我可以忍受自己考第尾, 但忍受不了完全聽唔明。
[版主回覆11/17/2012 05:00:20]家家有本難唸的經，kumon真係唔係個個父母／孩子適合，有些父母真的非常不接受，而大部份老師簡直是極反對去kumon的，所以，人人教育觀不同嘛。
社會現像如此，有些父母依然能堅持不隨波逐流啊，重視和真正能享受天淪的家庭仍大有人在啊，不要太過悲哀！
[Jeremy Chu Chun Yin回覆11/16/2012 20:13:47]係咩?! 咁佢又唔係俾唔起, 點解唔送個細的去kumon? 因為完全無早教, 家姐追得勁辛苦, 咁點解唔趁早幫下個細仔?
ct ma, 唔係人人都有自省能力的。
雙職父母經常被認為值得可憐, 可惜我們的社會不在乎過程, 不理你有什麼困難, 我們只重視結果!
[版主回覆11/16/2012 03:45:10]沒有父母不知道自己少陪了小的孩子的，也沒有父母希望淪入如此田地，只是要兼顧好真的非常困難，莫講話我這位全職兼重教育的媽媽了，上班／雙薪家庭真的有心無力、愛莫能助呢！我相信他們都是痛心的！
好奇怪,常聽人講忽略細那個孩子,但我就相反
當我感覺到大仔因細女出生後產生的心理影響,我好想努力調解,單單故事時間,我已經做得不理想,我竟然可以將大仔的故事時間交給爸爸,直至阿仔最近上感統班,我跟導師傾開孩子心理問題,她提醒我要多加關注阿仔,令他感覺到我對他的愛仍在,現在我努力中,阿仔剛升小一,能跟他相處的時間很少,所以我要加倍努力!
你的自省能力好強,欣賞!!
[版主回覆11/21/2012 03:28:36]自省能力好強有時都無能為力，或者真係我們當父母的未做得夠好，你將大仔故事時間交給爸爸其實已經非常理想，我一直是將小天的故事時間交給婆婆的，因為比較“方便易辦事“，其實我一直有plan過、提出過要take turns，一三五媽媽同姐姐故事時間，二四六媽媽同細佬，睡覺也是一樣take turns。
只可惜，孩子要講秩序感，小天不能接受媽媽培他講一天，明天又沒有媽媽，睡覺亦然。加上姐姐的故事書越來越深了，婆婆不可能應付，姐‘姐‘又要練琴，唔到我唔在場。那只好繼續將小天交給婆婆囉。
咁你仔仔有沒‘有情緒問題？爭寵問題呢？
發佈留言