"係唔係就嚟死?"(澄3y)

放學看見老人院的一班行動不便, 拿暮助行器、輪椅、要人照顧的老人家...

澄: "媽咪, 佢地做咩呀?"

媽: "老婆婆、公公去旅行囉! 老公公、老婆婆年紀大咗, 有d行動不便、有d耳仔聽不太好、有d眼睛睇嘢唔清楚囉"

澄: "咁, 婆婆係唔係老嘞?"

媽: "唔係, 我地婆婆老老地啫!"

 

直至上車, 可能一直在思索的小Bie突然問媽咪: 

澄: "婆婆係唔係就嚟死嘞?"

媽: "傻豬! 點會咁話婆婆架? 唔係!"

澄: "咁, 婆婆係唔係第時會死呀?"

媽: "....... " (對於小孩子這類提問, 乾脆答這是人生必經階段, 還是要好好考慮她的心理加以開導呢? blog打到這裡, 突然覺得, 不如回答:是的, 所以現在就要好好孝順、珍惜!)

又過了一會, 小Bie突然憂心忡忡地說:

澄:"媽咪, 你以後抱細佬記住要帶護手套呀!"

媽: "點解呀, 寶貝?"

澄: (凝重表情) "你隻手就嚟爛嘞, 一係你以後都唔好抱細佬啦! 好唔好?"

媽: "媽咪要等細佬學識行就唔抱啦!..."