完本一直說小天溫文有耐性、富同理心的媽媽要相信，原來孩子真的不能讚！
自從跟早產日子相乎的“遲來terrible 2” 開始，小天出現了極大的轉變！
小天變成一位非常好動、體能、大肌肉都發展得很好的小男生。從前會安靜耐心地聽故事、聽教、學東西的情景已不再。徹底來了一個大變身！相信是體內的睪酮素作祟，聽聞在四歲時才達至高峰，真難以想像！
我現在終於明白，為何我們這裡有部份學校會在六年班時才全力發動學術的教授和要求了！加上最近多看了有關男孩發展的書籍，更令我相信小天絕對是適合上這類學校的！所以pre－school申請，最後亦決定了申請Mid－Pac和現時就讀之學校，沒有申請以學術、嚴格的St. Clement了。
就以今天我們回校參加party為例，小天跟這位最要好的同學仔一起，不停地推這些玩具車，以極速和敏捷的身手避開了所有阻擋了去路的同學跟老師，有些女同學見他們衝過來的時候表現有點兒驚恐地閃身躲避。
一直這樣衝呀！推了超過半小時，因為要開始party了才被迫要停下來。
就我所觀察，小天跟他的好朋友仔是班上兩位唯一最好動的男生！兩個一走在一起，除了是極速開車外，還會發出咆哮聲音，時扮超人、蜘蛛俠、時打開兩腿，狀甚粗獷地不知扮什麼，總之一看就是男孩中的百厭男孩就是了！
2 則留言:
其實現今教育真係適合女孩子多D..
所以入大學女生比例越來越多
男孩子真係大部份時間跑跑跳跳
[版主回覆01/07/2013 14:53:52]可能我地呢度情況好d啦，都有很多學校很適合男孩子的！可是亞女果間就肯定唔係囉，而家都開始有d矛盾架嘞～
小天一睇就知係男仔頭了, 由始至終都是! 4歲你更知大鑊!!
晉彥都是男性化得很, 只是高敏, 有時會夾雜了被認為"女性化"的完美主義, 貪靚, 怕受傷, 要求多多等....
不過我好肯定, 只有男校適合晉彥。因為香港這邊的校園女性化比美國嚴重得多。中國人要求孩子乖乘坐着已經十分女性化了。
[版主回覆01/25/2013 18:00:54]希望啦，要同自己講，諗嘢要正面d呀！！！唔好再咁多負面思想，因為的確太早下定論呢～！
[Jeremy Chu Chun Yin回覆01/25/2013 17:11:07]我覺得現時來下定語太早了, 起碼要俾一兩年才知呢間學校適唔適合, 佢地對新野係迫適應好慢的。到她適應了, 你才見到好處的。
[版主回覆01/25/2013 15:48:08]唔知係自己呢排成日諗亞bie學校唔好的地方定點？你一講呢d嘢我就有感咁似小bie間學校嘅？！
不過鋼琴老師又話比我聽有2個家長pull out佢地在“愉快型“的仔女，辛苦考入去都覺得唔好、冇嘢學、過份自由！佢地走返出來讀政府學校，打算6年班先考入亞bie間學校咁話喎！所以，隔離d飯真係香d！我都要努力比返d正能量自己，對自己的選擇有信心d嘞！
[版主回覆01/25/2013 15:43:23]唉！你越講我就越心寒～～
[Jeremy Chu Chun Yin回覆01/16/2013 22:06:18]記名罰無小息就唔一定, 但香港的discipline周圍都係。
第一, 中國人社會, 點會唔discipline. 中國人係將大人凌駕小朋友的國家。我朋友個老爺貪得意拮爆個孫心愛的汽球, 個小朋友當然勁大聲喊, 小朋友竟然俾路人甲閙:"喊得咁大聲會嚇親老人家待!"
你都上過呢度d playgroup架啦, 如果係中國人教真係好弊架!佢地成日要小朋友坐定定的。
第二, 香港係港英殖民地咁多年, 而家呢套教育制度係英國統治時期一路演變而來,英國人唔係想在這片土地找科學家的, 他只是要公務員。所以這裡的教育制度係打造一隻一隻好使好用, 方方正正的棋子, 那又怎少得discipline呢家野呢!
[版主回覆01/16/2013 14:53:16]點解呢？ hk而家都好多學校會discipline架咩？！ 我記得我果時都唔太會有老師會記名罰無小息架喎？！
[Jeremy Chu Chun Yin回覆01/16/2013 09:49:23]ha!
咁睇來香港都無幾多間學校適合晉彥了。
如果個爸爸說的是真的, 咁而家佢間幼稚園係最適合的了!
[版主回覆01/15/2013 15:29:21]小bie班房有2位老師、2位都會用那方法，朋友的超優越孩子早兩年也讀同一個班房，相同的2位老師，可是他說從來沒有聽／見過老師會用這些方法對同學。
[版主回覆01/15/2013 15:27:27]我漸漸發覺越來越多我不太喜歡的地方，不過我自我安慰，沒有一所學校是完美合心的，假如我孩子在另一學校，也自必然發現另一學校的不是。
昨天跟一位很成成的高敏爸爸在bbq聚會上談了很多有關高敏的事情，他強烈建議不要放高敏孩子在有任何discipline的學校。與高敏婆說的頗類同。
[Jeremy Chu Chun Yin回覆01/13/2013 21:41:11]咁唔可以從一點去看的, 一間學校好唔好係整體的。又或者係唔係個別老師的問題呢?個個老師都會把頑皮學生的名字寫在黑板上嗎?
[版主回覆01/13/2013 17:27:56]是嗎？大家香港媽媽都覺得好恐怖是嗎？ bie爸說跟我回校跟老師講下，問清楚情況喎？我擔心人家百年老名校，人家幾十年名校老師．．．唉！
低年班已經咁，早年班真係唔知會點？究竟係唔係真係選錯校呢？！
[Jeremy Chu Chun Yin回覆01/11/2013 13:43:15]只能循一個方向跑 ----> 笑死我了!
佢間學校係咪蘭桂芳呀, 發生過踏死人事件? 要單向流水式?
[我們仨加一回覆01/10/2013 23:15:09]就係唔係!
今天更聞附近一所小學，小息時只能循一個方向跑。真的攪笑!
[Jeremy Chu Chun Yin回覆01/10/2013 09:57:04]三加一, 你做得好啊! 小朋友一定要玩多d架!
果間唔俾小息跑的, 是名校嗎?
[我們仨加一回覆01/10/2013 09:50:06]嘩!晴天媽，你的回應更恐怖!
難以想像是美國的學校!
晉彥媽，係呀!
佢話小息時真的不准跑，亞健康問題也要關注，所以每天放學我們也到學校出面的公園玩上大半小時，夏天玩上一小時。
[Jeremy Chu Chun Yin回覆01/09/2013 20:40:07]把不守規、不留心的同學的名字寫在黑板上......> 唔係掛!!
[版主回覆01/09/2013 16:14:31]會唔會有誤會呀？只係唔比在某特定區域跑咋？（安全理由）
[版主回覆01/09/2013 16:12:01]小bie而家間學校咪又係好合女生，因為老師都好幾次跟媽媽說小bie不留心上堂，我私底下同佢傾，問佢上堂的情形，講到有冇d同學唔留心架？佢講咗一堆男孩子的名字出來，咁我問佢咁老師點講呀？佢話老師把不守規、不留心的同學的名字寫在黑板上，小息一半時間要留在課室。
[Jeremy Chu Chun Yin回覆01/09/2013 10:07:42]wah, 呢間小息唔俾跳的學校好恐怖呀!!
從呢一點足證明間學校的理念有問題。仔要郁, 女更加要郁, 因為女仔通常好靜, 郁少咗大家唔覺, 結果肌肉越來越少, 搞到有好多亞健康問題。
[我們仨加一回覆01/09/2013 05:49:25]絕對認同。
現也正為女兒選小學，剛參觀一間，睇落不錯，今天跟其中一位就讀該校一年級的媽媽傾，她提到一樣：學校有時都幾嚴，小息時不准跑跑跳跳。
我第一個反應是：嘩!咩道理?
第二個反應是：阿仔第時點算? （阿女應該無問題，但阿仔呢?）
唉! 點解小息都要坐定定、企定定，上堂定定仲唔夠? 小息被人休息下，伸下筋骨都得掛。
發佈留言