"人係唔係會死架?"(澄3y)

澄: "人係唔係會死架?"

媽: "係呀"

澄: "但係我唔想死wor!"

媽: "um...如果你乖乖地食多d有益嘅嘢、少d薯條果d無益嘅嘢, 早d瞓覺、健康d咪可以好耐好耐先死囉"

澄: (苦惱) "我唔想好耐先死; 我唔想好快先死呀!"

媽: "......... " (開車中的媽笑笑望著倒後鏡的女兒不知說什麼好)

澄: "咁, 媽媽:你係唔係會死架?"

媽: "係呀"

澄: "我唔想我死呀!" (原來不是在擔心媽媽嗎?)

澄: "咁人死咗係唔係黑炆炆架?"

媽: "你係問人死咗d皮膚係唔係黑炆炆?定係雙眼望到d嘢會變成黑炆炆呀?"

澄: "雙眼望到d嘢呀!"

媽: (有點無言以對) ........ "唔洗咁擔心架, 死只係去咗好遠好遠嘅地方之嘛!"

(剛巧天空出現一道彩虹, 拉開話題...) "可能上天空, 你睇! 條彩虹幾靚!"

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

以為成功拉開了話題, 車子開到家, 正在發脾氣叫媽咪不要一回家就抱細佬的小Bie又來了...

澄: "媽咪呀, 咁如果全部人死哂, 咪得返我一個囉?"

媽: "唔緊要架wor~ 以後仲有細佬陪你呀嘛, 所以你要同佢相親相愛囉!"

澄: "細佬唔會死架?"

媽: (面對這個孩子突如其來的一堆問題, 唯有暫時笑笑回答...)

"um...係....呀..." (真不想說謊騙你)

小Bie馬上態度180度轉變, 正在妒嫉細佬的她馬上笑容可掬地過來雙手踏住小天, 溫婉地說: "細佬: 我好愛你架! 我錫晒你架!" 

xxxxxxxxxxxxxxxxxxxxxxxxxxxxxxxxxxxxxxxxxxxxxxxxx

又過了一天, 又問...

澄: "咁人死咗會點架?"

媽: "你唔洗咁擔心架, 好似婆婆咁, 佢死咗會去天父果度, 好開心咁生活架wor!" (婆婆有宗教)

澄: "天父果度點架?"

媽: "好開心架wor, 有好多動物陪你架wor"

澄: "咁我呢? 係唔係又去天父果度架?"

媽: "如果乖孩子、好人, 都係會去天父度架!"

澄: "" (好像安心了)

媽: ""(我也安心、鬆一口氣了)

xxxxxxxxxxxxxxxxxxxxxxxxxxxxxxxxxxxxxxxxx

如果是你, 你會如何解答三歲孩子這些問題呢?

請指教一下我這個沒信仰的媽媽吧...多謝、唔該!