video-My 1st Ballet Class (澄3y1m)
http://hk.myblog.yahoo.com/biebiema/article?mid=11946主要原因應該是由原本只有兩位小朋友上堂變成了6-7位一同上堂, 小Bie是一位極易被打擾的孩子, 最近上堂已經常表現不專心、不做動作, 媽咪該怎樣小心處理呢?
話說上星期小Bie生病了(只有少許鼻水, 兩聲咳, 不嚴重至要留家), 她就說要留在家不上堂了, 但下午的Music Together她就說要去 (因除了媽咪一起, 還有朋友仔一起上堂)
今個星期呢, 開開心心穿好小仙子衣服了, 進入前已經鼓勵媽咪知道你會聽從老師指導, 留心上堂的! 怎料比上幾堂還糟, 上半堂在課室完全一動也不動, 站著幾乎不做任何動作。
半堂休息出來:
媽咪: "怎麼了, 幹嗎不跳? 你不想跳嗎?"
澄: "係呀, 我唔想跳!"
媽: "點解呀? 你唔係講過要做好靚嘅芭蕾小仙子嗎?"
澄: "......"
媽: " 我地唔係睇過故事書, 要努力才會像美田一樣成功, 最後可以踏上舞台表演嗎?"
澄: "我唔想跳呀...."
媽: "點解呀?"
澄: "我好掛住婆婆呀"
媽: "她不在家"
澄: "um... 我好掛住daddy呀!"
媽: "好的,如果不跳我們就回家了! 如果你掛住daddy, 連下午的Music Together都留在家裡好了!"
澄: "好呀!"
原本只是隨口說和預算她一定想去Music Together, 沒想過她真的馬上說要回家去... 為了自己說了出來的話一定要對現, 也只好硬起心腸就走了...
回去車的路上, 小Bie嬉皮笑臉、毫不在意, 似乎就這樣讓她輕易放棄、時認真、時說不想跳就不跳也不是一件好事... 心裡怒氣沖沖, 自己女兒卻態度如此, 心裡盤算, 該如何處理好呢?
上車時, 我在車外站了好一陣子... 一方面真的需要平息怒氣, 另一方面想清楚要怎面對這難攪的孩子...
澄: "媽咪: 你喺車外面做咩呀?"
媽: "媽咪好嬲, 不想對你發脾氣, 於是在車外冷靜一下才上來跟你好好談一下囉"
澄: "咁你係唔係冷靜完嘞?"
媽: (平心靜氣, 笑意盈盈, 但不失認真地... 對啊, 頗難做到的!哈...) "係, 媽咪想話比你聽, 今日咁樣上咗一半堂就走係好唔啱嘅, 媽咪其實有點失望"
澄: "我... 隻腳仔唔知點解跳唔到... "
媽: "點解嘅?"
澄: "我d腳趾囉, 跳唔到呀!"
媽: "點會呢?"
澄: "係呀, 因為我有d rash呀嘛!"
(上星期出的rash真的未完全散掉, 不過她似乎在胡扯多一點, 還得耐心聽聽孩子有什麼解釋? 心裡想什麼呢? 為什麼她會這樣呢?)
媽: "原來係咁! 但你以後仲想唔想跳芭蕾舞呀?"
澄: "我唔想跳嘞!"
(矛盾! 不想迫她做不喜歡的事情; 又不想她自少養成輕易放棄、三分鐘熱度的態度! 由一開始就已經灌輸訊給她: 你是真的想學嗎? 不打緊, 跳過2-3堂再告訴媽咪, 不過當你告訴媽咪你真的有興趣的時候, 就不要放棄! 跳芭蕾舞不是永遠都好玩, 往後可能你會跳的腳仔痛、也有可能辛苦, 要付出努力, 有天才會成功。)
媽: "好的, 今天的事, 媽咪真的失望了, 我地返屋企再同爸爸講呢件事好唔好?"
澄: "好呀! 你千其唔好唔記得wor~" (真被她氣死)
開車途中想, 對一位三歲半的孩子, 媽咪想多了嗎? 期望過高了嗎? 最後, 還是覺得三歲半的小Bie之理解能力, 已經明白媽咪所講的說話, 這是她態度的問題, 可能是由於太多孩子令她這位高敏小姐不舒服, 好的, 不舒服不打緊, 媽咪再想想如何可以幫你刻服...
回家, 爸爸也認真地由工作室下來, 準備靜心地跟我們談一下:
爸: "澄澄呀, 你知唔知道有好多小朋友好想跳, 不過都冇機會可以學跳芭蕾舞架?"
澄: "係呀!"
媽: "你睇, 爸爸賺錢好辛苦、好努力架wor~ 我地放假出去玩, 佢仲要做嘢!"
(由於小Bie態度依然輕佻... )
爸: "你坐好, 媽咪跟你說話, 爸爸對你都好失望" (很兇, BIE哭起來, 才知道要定定坐好, 才知道今次事件要認真面對)
澄: "係呀, 有D小朋友屋企無錢, 我地幾幸福?"
媽: "係囉, 除了錢以外, 仲有好多爸爸媽媽唔得閒、冇時間帶小朋友去wor~ 也有d爸爸媽媽唔會安排呢d活動wor~"
澄: "係呀, um... 非洲d好窮嘅小朋友連食都冇得食咯, 要食垃圾咯!" (最近常跟她看有關捐款幫助貧窮國家小朋友的電視特輯)
媽: "咪就係囉, 嗱! 媽咪想同你講, 你今日咁樣無端端唔跳, 話好掛住爸爸, 連Music Together都說唔去了, 那一陣我就會同細佬去, 你自己喺屋企諗清楚仲想唔想跳? 今晚傾心事時間果陣, 你先話比媽咪知, 好唔好?"
澄: "好!"
媽: "原本聖誕節, 你地一班好努力嘅小朋友會有一件好靚嘅小仙子裙仔, 上台表演, 媽咪已經幫你訂好咗呢條裙仔, 你話唔跳, 咁就唔會有得著、同唔可以上台表演了, 媽咪帶你去睇其他小朋友表演啦, 好唔好?
澄: "好! 今晚先講啦, 我諗清楚先啦...
到媽咪跟細佬出門, 她真的非常冷靜地跟我們說再見, 還(硬裝)非常高興的樣子, 開心說bye和衝去自己的玩具屋大叫:"yeah!"... (這頑固的孩子真令媽咪頭痛極了!)
晚上心事時間, 由於每天都會講當日發生的事情、去過那裡...:
澄: "今日澄澄唔乖, 上堂時唔肯跳芭蕾舞..."
媽: "係囉... 你想唔想同媽咪講你仲想唔想跳呀? 你老實跟媽咪說就可以了, 你想唔想, 媽咪都唔會嬲, 亦唔會鬧你嘅, 如果真係唔想去就話比媽媽聽啦"
澄: "我仲想去嘅... 不過, 我個心仔不停咁講:"唔好跳啦, 唔好跳啦..." 咁wor~ 於是, 我咪無跳到囉!"
(啊, 心事時間真的說出心事了! 媽咪不知道你形容的是怎麼樣的感覺? 什麼意思呢?)
媽: "你話你而家個心仔咁講定係定上堂果時個心咁講呀?"
澄: "喺classroom果時呀, 我想跳, 不過我個心仔喺度話: "'唔好跳啦, 唔好跳啦!' 於是我只係郁咗少少, 跳咗幾下囉!"
三歲多孩子說到這裡, 我想已經遠遠超出了她所能表達的了! 媽咪想再用心想想: 或許是太多人你太驚? 沒上一星期動作不懂做而緊張? 真的沒興趣? 反叛心態作祟? ...
的確, 你比一般孩子難攪一點, 有時太怕生、有時太反叛、有時太敏感、有時太不願跟指令做事...
不希望草率了事, 也不想就因你晚上說了一句: "我仲想跳嘅!" 而認定你真的想再跳下去, 也不想令你覺得凡事理所當然、 幸福必然, 不想你說了跳又不跳, 時認真、時草率...
一年只有一次的表演機會在即, 也交了所有費用做裙子, 當然不想放棄, 不過, 找緊教育孩子的機會比她一生中驅驅一次的表演機會來得重要多了!
打算裙子拿回來, 掛起來讓你知道你白白錯過了這個機會了。也打算帶你觀賞朋友仔付出了努力在台上表演的喜悅...
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
隔天, (11月22日)
久別了的terrible 2事件重現 (將另寫一篇網誌), 而且比起terrible 2嚴重、激烈多了! 看書其中說horrible 3會發生在3.5歲, 還有3個星期你3.5歲了... 是否內心很多爭扎不會處理? 是否沒法控制反叛的行為?...
晚心事時間:
又再說起芭蕾舞的事...
澄: "我好想跳芭蕾舞、好想喺台上面表演呀!"
媽: "呀! 你都未話我知你昨天為什麼個心仔會叫你唔好跳嘅?"
澄: "因為big class from the Ballet 呀!"
媽: (不太肯定你想表達什麼, 也不想引導錯誤, 繼續讓你自己說出來) "吓?"
澄: "我想跳大姐姐class呀!"
(再三引導依然沒法肯定她的意思是而家班上轉了6-7人太"big class" 還是想跳"big kids' class?)
媽: "因為你之前告訴媽媽想唔跳了, 媽咪諗住唔同你去跳芭蕾舞了..."
澄: (半失控) "我好想去呀! 我真係好想跳架!"
媽: "比媽咪考慮下先決定啦, 好嗎?"
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
有些人可能覺得小事一樁, 媽咪何需如此介懷? 小事化大?
是的, 查實由你break完的一刻, 我只需要拉開跳舞室之門, 半句話也不用多講, 你自然會乖乖走進去的...
但你可能繼續不跳、可能草草了事、不珍惜、覺得種種所得理所當然, 反正毫不認真也能得到一切... 反正本小姐心情不好就不跳、心情好便投入... 反正我說要跳就來、不跳就要走, 媽咪拿我沒法子... 等等. 最重要, 你會開心嗎? 你會努力嗎?
其實關鍵不在於芭蕾舞, 媽從沒想過你一定要成功、喜歡芭蕾舞。 爸媽卻覺得今次是矯正你態度的關鍵問題, 希望你明白不珍惜會失去。
要是你真的沒興趣,媽媽更不想你感覺我在迫你...
今天晚上你突然又態度轉變, 強烈表示你非常想跳芭蕾舞, 到底媽咪該就此就範讓你繼續?
還是找緊教育孩子的機會: 不讓你表演, 直至你非常渴望才再讓你上堂, 令你留下教訓、印象更深刻? 但眼見所有朋友仔都在台上有表演的機會, 會傷害到你弱小心靈嗎?
希望有一天你能明白媽媽的苦心...
沒有留言:
發佈留言